Derge Kanjur - བཀའ་འགྱུར ༼སྡེ་དགེ་པར་ཕུད༽

Toh 287Folio 1Volume 68
Vol. 68F. 1aUT4CZ5369-I1KG9194-0000/side/1
༄༅། །མདོ་སྡེ་ཡ་བཞུགས་སོ། །
Vol. 68F. 1bUT4CZ5369-I1KG9194-0000/side/2
༄༅༅། །དཔང་སྐོང་ཕྱག་བརྒྱ་པ་ཞེས་བྱ་བ། ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་དུས་གསུམ་དུ་གཤེགས་ཤིང་བཞུགས་པའི་ སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་རབ་འབྱམ་མ་ལུས་པའི་དཀོན་མཆོག་ཐམས་ཅད་ལ་གུས་པས་ཕྱག་འཚལ་ལོ། །ཕྱོགས་བཅུའི་སངས་རྒྱས་ ཐམས་ཅད་ལ་ཕྱག་འཚལ་ལོ། །ཤར་ཕྱོགས་ཀྱི་སངས་རྒྱས་རིན་ཆེན་འབྱུང་གནས་དེ་བཞིན་གཤེགས་པ་ལ་ཕྱག་འཚལ་ལོ། །ལྷོ་ཕྱོགས་ཀྱི་སངས་རྒྱས་མྱ་ངན་མེད་པའི་ དཔལ་དེ་བཞིན་གཤེགས་པ་ལ་ཕྱག་འཚལ་ལོ། །ནུབ་ཕྱོགས་ཀྱི་སངས་རྒྱས་རིན་ཆེན་འོད་འཕྲོ་དེ་བཞིན་གཤེགས་པ་ལ་ཕྱག་འཚལ་ལོ། །བྱང་ཕྱོགས་ཀྱི་སངས་རྒྱས་ རྒྱལ་བའི་དབང་པོ་དེ་བཞིན་གཤེགས་པ་ལ་ཕྱག་འཚལ་ལོ། །བྱང་ཤར་མཚམས་ཀྱི་སངས་རྒྱས་ཏིང་ངེ་འཛིན་གྱི་གླང་པོ་དམ་པའི་དཔལ་དེ་བཞིན་གཤེགས་པ་ལ་ཕྱག་འཚལ་ལོ། །
Vol. 69F. 1aUT4CZ5369-I1KG9195-0000/side/1
༄༅། །མདོ་སྡེ་ར་བཞུགས་སོ།།
Vol. 69F. 1bUT4CZ5369-I1KG9195-0000/side/2
༄༅༅། །འཕགས་པ་དམ་པའི་ཆོས་དྲན་པ་ཉེ་བར་གཞག་པ། བམ་པོ་ཉེར་གཅིག་པ། དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་དུད་ འགྲོའི་འཇིག་རྟེན་ལ་རྟོག་པར་བྱེད་དེ། སེམས་ཅན་དམྱལ་བ་དང་། ཡི་དགས་དང་། དུད་འགྲོ་དང་། ལྷ་དང་། མི་དང་། ཆུ་དང་། སྐམ་ས་དང་། བར་སྣང་ལ་རྒྱུ་བའི་བྱ་རྣམས་ དང་། རི་དགས་ལ་སོགས་པ་འབྱུང་བར་འགྱུར་ལ། ཅིའི་ཕྱིར་ན་སེམས་ཅན་དམྱལ་བའི་སར་སྡུག་བསྔལ་མྱོང་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་ བརྟགས་ན། སེམས་ཅན་དམྱལ་བའི་ས་ན་དུད་འགྲོ་སེམས་ཅན་དུ་བགྲང་བ་དང་། སེམས་ཅན་དུ་བགྲང་བ་མ་ཡིན་པ་སྣ་ཚོགས་དག་མཐོང་ངོ་། །དེར་སེམས་ཅན་དམྱལ་བ་པ་དེ་དག་ སྐྱེ་བ་ན་མེས་སྲེག་ཅིང་བྱ་ལུས་ཕྱིན་ཅི་ལོག་ཏུ་འདུག་པ་གཞན་དེ་དག་བདེ་བར་མཐོང་སྟེ། དེ་དག་འདིར་སྐྱེ་བར་འགྱུར་རོ་སྙམ་དུ་བསམས་པ་དང་། སེམས་བསྐྱེད་མ་ཐག་ཉིད་དུ་བྱ་དེ་
Vol. 70F. 1aUT4CZ5369-I1KG9196-0000/side/1
༄༅། །མདོ་སྡེ་ལ་བཞུགས་སོ། །
Vol. 70F. 1bUT4CZ5369-I1KG9196-0000/side/2
༄༅༅། །འཕགས་པ་དམ་པའི་ཆོས་དྲན་པ་ཉེ་བར་གཞག་པ། བམ་པོ་བཞི་བཅུ་རྩ་དྲུག་པ། གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་འཐབ་ བྲལ་བའི་ས་རྣམས་ལ་རྣམ་པར་ལྟ་བར་བྱེད་པ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་མཐོང་བར་གྱུར་པ་ནི་འཐབ་བྲལ་བའི་ལྷ་རྣམས་ཀྱི་ས་ཇི་ལྟ་བ་བཞིན་དུ་ཡོད་པ་ བཞོན་པ་རྒྱ་ཆེ་བ་ལ་རྣམ་པར་རྒྱུ་བ་ཞེས་བྱ་བའོ། །དེར་ཡང་ལས་གང་གིས་སེམས་ཅན་སྐྱེ་བར་འགྱུར་བ་ཡང་དེས་ཐོས་པ་ལས་བྱུང་བའི་ཤེས་པས་མཐོང་སྟེ་སྐྱེས་བུ་དམ་པ་ གང་དག་གིས་དགེ་བའི་བཤེས་གཉེན་བདག་ཉིད་ལ་བདེ་ལེགས་སྟོན་པར་བྱེད་པས་ནི་དཔེ་མེད་པའི་ཡུལ་གྱི་ཡོན་ཏན་དང་ལྡན་པ་ཡང་གང་ཁོ་ན་བདག་གིས་གཟུགས་མཐོང་བ་དེ་ ཉིད་ནི་འདོད་པ་སྡུག་པ་ཡིད་དུ་འོང་བ་གཞན་རྣམས་དང་འདྲ་བ་མ་ཡིན་པ་རྣམས་མཐོང་ངོ་། །གང་ཡང་རྣ་བས་ཐོས་པ་རྣམས་ནི་རྣམ་པ་སྣ་ཚོགས་པའི་གླུ་རྣམས་དང་། བྱའི་སྒྲ་དང་
Vol. 71F. 1aUT4CZ5369-I1KG9197-0000/side/1
༄༅། །མདོ་སྡེ་ཤ་བཞུགས་སོ། །
Vol. 71F. 1bUT4CZ5369-I1KG9197-0000/side/2
༄༅༅། །གཞན་ཡང་ལས་དང་འབྲས་བུ་རྣམ་པར་སྨིན་པ་ཤེས་པའི་དགེ་སློང་དེ་མཚེ་མ་པའི་ལྷ་རྣམས་ལ་ཕན་པའི་དོན་དུ་ལྷ་རྣམས་ཀྱི་ས་ལ་ལྟ་བར་བྱེད་པ་ན། དེས་ཐོས་པ་ལས་ བྱུང་བའི་རང་བཞིན་གྱི་ཤེས་རབ་ཀྱིས་ལྷ་རྣམས་ཀྱི་ས་བདེ་བ་རབ་ཏུ་འཕེལ་བ་དང་ལྡན་པ་ཞེས་བྱ་བ་ཇི་ལྟར་ཡོད་པ་མཐོང་བར་གྱུར་ཏོ། །ས་དེར་ཡང་ལས་གང་གིས་སེམས་ཅན་རྣམས་སྐྱེ་བར་ འགྱུར་བ་ཡང་དེས་མཐོང་སྟེ། སྐྱེས་བུ་དམ་པ་གང་གིས་དགེ་ལེགས་སུ་གྱུར་པའི་སེམས་ཀྱིས་ཚུལ་ཁྲིམས་དང་ལྡན་པར་གྱུར་པས་སྲོག་གཅོད་པ་དང་། མ་བྱིན་པར་ལེན་པ་རྣམས་སྤངས་ པར་གྱུར་པ་ནི་སྔ་མ་བཞིན་ནོ། །འདོད་པ་ལ་ལོག་པར་གཡེམ་པ་རྣམས་ཀྱང་ཤིན་ཏུ་ཕྲ་བ་ཡང་སྤོང་བར་བྱེད་དེ་དཔེར་ན་ཡུད་ཙམ་ཅིག་ཀྱང་བུད་མེད་སྐྱེས་པ་དང་བཅས་པར་མངོན་པར་བྲིས་པ་ རྣམས་ལ་ཡང་ཚུལ་བཞིན་མ་ཡིན་པ་ཡིད་ལ་བྱེད་པས་སྐྱེད་པར་གྱུར་པས་དེ་ལ་འདི་རྟོག་པར་མི་བྱེད། བརྣབ་སེམས་སུ་མི་བྱེད་དོ། །རོ་མྱོང་བར་མི་བྱེད་ཅིང་ཚུལ་བཞིན་མ་ཡིན་པ་ཡིད་ལ་